മുന്‍ റിയല്‍ മാഡ്രിഡ് താരം ക്രിസ്റ്റിയാനോ റൊണാള്‍ഡോ യുവേഫയുടെ ഗോള്‍ ഓഫ് ദ ഇയര്‍ പുരസ്‌കാര പട്ടികയില്‍. 11 പേരുകള്‍ അടങ്ങിയ പട്ടിക ചൊവ്വാഴ്ചയാണ് യുവേഫ പുറത്ത് വിട്ടത്. ഇംഗ്ലണ്ട് താരം എലിയറ്റും പട്ടികയില്‍ സ്ഥാനം പിടിച്ചിട്ടുണ്ട്. കഴിഞ്ഞ 12 മാസത്തെ മികച്ച ഗോളുകള്‍ പരിശോധിച്ചാണ് യുവേഫ തിരഞ്ഞെടുപ്പ് നടത്തുന്നത്.
ഏപ്രിലില്‍ നടന്ന ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലില്‍ യുവന്റസിനെതിരെ റൊണാള്‍ഡോ എടുത്ത ബൈസൈക്കിള്‍ കിക്കാണ് താരത്തെ പട്ടികയില്‍ ഇടം പിടിക്കാന്‍ സഹായിച്ചത്. റിയല്‍ മാഡ്രിഡിനു വേണ്ടിയാണ് പോര്‍ച്ചുഗീസ് സ്‌ട്രൈക്കര്‍ അന്ന് കളിച്ചത്. എന്നാല്‍ പുതിയ സീസണില്‍ താരം കളിക്കുന്നത് യുവന്റസിനു വേണ്ടിയാണ്.
ലൂസി ബ്രോണ്‍സ്, ഓള്‍ഗാ കാര്‍മോണ, എലിസാന്‌ട്രോ, എലിയറ്റ്, ക്രിസ്റ്റിയന്‍ എറിക്‌സെന്‍, പൗലോ മുതലായവരാണ് പട്ടികയില്‍ ഇടം പിടിച്ചിട്ടുള്ള മറ്റു താരങ്ങള്‍.
