മലാവി: ദാഹം തീര്‍ക്കുവാനായി വെള്ളം തേടി തടാകത്തിലെത്തിയ കുട്ടിയാനയെ മുതല ആക്രമിച്ചു.
വെള്ളത്തിലേക്ക് തുമ്പിക്കൈ നീട്ടിയപ്പോള്‍ അതില്‍ പിടികൂടിയ മുതലയില്‍ നിന്നു രക്ഷപ്പെടാന്‍ പരാക്രമം കാണിക്കുന്ന വീഡിയോയാണ് നവമാധ്യമങ്ങളില്‍ ഇപ്പോള്‍ വൈറലായിരിക്കുന്നത്.
മലാവിയിലെ ലിവോന്‍ഡല്‍ ദേശീയോദ്യാനത്തിലാണ് ഈ സംഭവം നടന്നത്. വെള്ളം കുടിക്കാനായി തടാകത്തിനടുത്തേക്ക് എത്തിയതായിരുന്നു ആ ആനക്കൂട്ടം. പൊടുന്നനേയാണ് കൂട്ടത്തില്‍ മുന്നിലുണ്ടായിരുന്ന കുട്ടിയാനയുടെ നേരെ ഒരു മുതല ചാടിവീഴുന്നത്.
അപ്രതീക്ഷിതമായ ആക്രമണത്തില്‍ ഭയന്നുപോയ കുട്ടിയാന മുതലയുടെ പിടിവിടീക്കാന്‍ കുടഞ്ഞൊക്കെ നോക്കി. മുതലയുടെ പിടി വിടുവിക്കാന്‍ കുട്ടിയാന പരമാവധി ശ്രമിച്ചെങ്കിലും പരാജയമായിരുന്നു ഫലം. ഒടുവില്‍ കുട്ടിയാനയുടെ രക്ഷയ്ക്ക് മറ്റൊരാനയെത്തി. വലിയ ആനയുടെ രക്ഷാപ്രവര്‍ത്തനത്തില്‍ കുട്ടിയാന രക്ഷപെട്ടു.
ബയോ മെഡിക്കല്‍ ശാസ്ത്രജ്ഞനായ മകാങ്കയാണ് ഈ വീഡിയോ ചിത്രീകരിച്ച് ഷെയര്‍ ചെയ്തത്. ഏപ്രില്‍ 11 ന് അപ്ലോഡ് ചെയ്ത് ദൃശ്യം ഇതുവരെ ഏഴ് ലക്ഷം പേരാണ് കണ്ടത്.
