തിരുവനന്തപുരം: മദ്യപിച്ച് വാഹനമോടിച്ചതിനു പോലീസ് കസ്‌റഡിയിലെടുത്ത പ്രതി മരിച്ചു. വിളപ്പില്‍ശാല സ്വദേശി സുധീര്‍ ഖാന്‍(40) ആണ് മരിച്ചത്. പൂജപ്പുര പോലീസ് സ്‌റേഷനിലാണ് സംഭവം. കസ്‌റഡി മരണത്തില്‍ പ്രതിഷേധിച്ച് നാട്ടുകാര്‍ പോലീസ് സ്‌റേഷന്‍ ഉപരോധിക്കുകയാണ്. ഹൃദയാഘാതമാണ് മരണകാരണമെന്നാണ് പോലീസ് പറയുന്നത്.
ഇന്നലെ രാത്രിയാണ് മദ്യപിച്ച് വാഹനമോടിച്ചതിന് സുധീര്‍ഖാനെ പൊലീസ് കസ്റ്റഡിയില്‍ എടുത്തത്. ഇതിനുശേഷം സ്റ്റഷനില്‍ വച്ച് സുധീര്‍ മരിച്ചതായി പൊലീസ് ബന്ധുക്കളെ അറിയിച്ചു. തുടര്‍ന്ന് മൃതദേഹം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. അവിടെ മരണം സ്ഥിരീകരിക്കുകയും ചെയ്തു.
