യുവ ഫോര്‍വേഡ് താരം ഡാനിയല്‍ ലാലിമ്പുയിയ ഇനി ഡല്‍ഹി ഡൈനാമോസിനു വേണ്ടി ബൂട്ടണിയും. വെള്ളിയാഴ്ചയാണ് മുന്‍ ബെംഗളൂരു എഫ് സി താരത്തെ സ്വന്തമാക്കിയതായി ഡല്‍ഹി ഡൈനാമോസ് ഔദ്യോഗികമായി അറിയിച്ചത്.
2015ല്‍ ബെംഗളൂരു എഫ് സിയിലെത്തിയ താരം ബെംഗളൂരുവിനായി ഐലീഗിലും പിന്നീട് ലോണില്‍ ഐ എസ് എല്ലില്‍ ചെന്നൈയിന്‍ എഫ് സിയിലും കളിച്ചിരുന്നു. കഴിഞ്ഞ സീസണില്‍ റിസേര്‍വ് സ്‌ക്വാഡിലായിരുന്ന ഡാനിയലിന് ബെംഗളൂരു സൂപ്പര്‍ ഡിവിഷനിലും എ എഫ് സി കപ്പിലും സൂപ്പര്‍ കപ്പിലുമാണ് ബെംഗളൂരുവിനായി ഇറങ്ങാന്‍ കഴിഞ്ഞത്.
എന്നാല്‍ കഴിഞ്ഞ വര്‍ഷം ഐ എസ് എല്ലില്‍ കളിക്കാന്‍ കഴിയാഞ്ഞതാണ് താരത്തെ ബെംഗളൂരു എഫ് സി വിടാന്‍ പ്രേരിപ്പിച്ചത്. കഴിഞ്ഞ ആഴ്ചയായിരുന്നു ഡാനിയല്‍ ബെംഗളൂരു എഫ് സി വിട്ടത്.
