പാരീസ്: പി എസ് ജി ഫുള്‍ബാക്കായ ഡാനി ആല്‍വസിന്റെ കാല്‍ മുട്ടിന്റെ ശസ്ത്രക്രിയ വിജയകരമായി കഴിഞ്ഞതായി പി എസ് ജി അറിയിച്ചു. കഴിഞ്ഞ ദിവസമായിരുന്നു ശസ്ത്രക്രിയ. ശസ്ത്രക്രിയ വിജയകരമാണെന്നും കളത്തിലേക്ക് മടങ്ങിവരാനുള്ള ശ്രമം ഇന്ന് മുതല്‍ ആല്‍വേസ് ആരംഭിക്കുകയാണെന്നും ക്ലബ് അറിയിച്ചു.
സീസണ്‍ അവസാനത്തില്‍ പരിക്കേറ്റ ഡാനി ആല്‍വേസിന് ലോകകപ്പ് നഷ്ടമാകുമെന്ന് നേരത്തെ ഉറപ്പായിരുന്നു. പരിക്ക് ഭേദമായി ആല്‍വേസ് കളത്തിലെത്താന്‍ അടുത്ത സീസണ്‍ പകുതിയെങ്കിലും ആകുമെന്നാണ് റിപ്പോര്‍ട്ടുകള്‍.
