തെന്നിന്ത്യന്‍ നടി ഗൗതമിയുടെ മകളുടെ സിനിമാപ്രവേശനത്തെപ്പറ്റി ചര്‍ച്ചകള്‍ സജീവമാകുകയാണ്. എന്നാല്‍ മകള്‍ ഇപ്പോള്‍ അഭിനയരംഗത്തേക്ക് ഇല്ലെന്ന് പറഞ്ഞ് നടി ഗൗതമി തന്നെ എത്തിയിരിക്കുകയാണ്.
വിജയ് ദേവര കൊണ്ടെ നായകനായ സൂപ്പര്‍ഹിറ്റ് തെലുങ്ക് ചിത്രം അര്‍ജ്ജുന്‍ റെഡ്ഡിയുടെ തമിഴ് പതിപ്പില്‍ തന്റെ മകള്‍ സുബ്ബലക്ഷ്മി നായികയാകുന്നു എന്ന വാര്‍ത്തകളോട് പ്രതികരിച്ചാണ് നടി ഗൗതമി രംഗത്തെത്തിയത്.
സുബ്ബലക്ഷ്മി നായികയായി അരങ്ങേറ്റം നടത്തുന്നു എന്നത് തെറ്റായ വാര്‍ത്തയാണെന്നും അവള്‍ ഇപ്പോള്‍ പഠനത്തിലാണ് ശ്രദ്ധിക്കുന്നതെന്നും ഗൗതമി തന്റെ ട്വിറ്ററില്‍ കുറിച്ചു. അര്‍ജ്ജുന്‍ റെഡ്ഡിയുടെ തമിഴ് റീമേക്കായ വര്‍മ്മയില്‍ വിക്രത്തിന്റെ മകന്‍ ധ്രുവ് ആണ് നായകന്‍.
Taken aback to see news about my daughter's acting debut. Subhalaxmi is committed to her studies and has no plans for acting now. Thank you all for your blessings on her.
— Gautami (@gautamitads) March 13, 2018
കഴിഞ്ഞ നവംബറിലാണ് ചിത്രം പ്രഖ്യാപിച്ചത്. ബാല സംവിധാനം ചെയ്യുന്ന ചിത്രത്തില്‍ തെലുങ്കു പതിപ്പിലെ നായികയായിരുന്ന ശാലിനി പാണ്ഡെ തന്നെ ആയിരിക്കും ചിത്രത്തില്‍ അഭിനയിക്കുകയെന്നും റിപ്പോര്‍ട്ടുകളുണ്ട്. തെലുങ്കിലെ സൂപ്പര്‍ഹിറ്റ് ചിത്രമായിരുന്നു അര്‍ജ്ജുന്‍ റെഡ്ഡി.
