അബുദാബി: ഐപിഎല്‍ 2021 സീസണില്‍ ഇനി കളിച്ചേക്കില്ലെന്ന സൂചന നല്‍കി സണ്‍റൈസേഴ്‌സ് ഹൈദരാബാദ് താരം ഡേവിഡ് വാര്‍ണര്‍. സീസണില്‍ മോശം പ്രകടനങ്ങള്‍ നടത്തിയ താരത്തിനു പകരം കഴിഞ്ഞ മത്സരത്തില്‍ ഇംഗ്ലണ്ട് ഓപ്പണര്‍ ജേസന്‍ റോയ് സണ്‍റൈസേഴ്‌സ് ജഴ്‌സിയില്‍ കളിക്കുകയും അര്‍ദ്ധസെഞ്ചുറിയോടെ ടീമിനെ വിജയത്തിലേക്ക് നയിക്കുകയും ചെയ്തു. ഇതിനു പിന്നാലെയാണ് വാര്‍ണറിന്റെ വെളിപ്പെടുത്തല്‍
തന്റെ ഇന്‍സ്റ്റഗ്രാം അക്കൗണ്ടിലാണ് വാര്‍ണര്‍ ഇക്കാര്യം സൂചിപ്പിച്ചത്. ടീം വിജയിച്ചതിന്റെ ആഹ്ലാദം ഇന്‍സ്റ്റഗ്രാമിലൂടെ പങ്കുവച്ച വാര്‍ണറുടെ പോസ്റ്റില്‍ ഒരാള്‍ ചെയ്ത കമന്റിനു മറുപടി നല്‍കുകയായിരുന്നു താരം. ഇതോടെ വാര്‍ണര്‍ സണ്‍റൈസേഴ്‌സില്‍ തന്നെ ഇനി കളിച്ചേക്കില്ലെന്നാണ് അഭ്യൂഹങ്ങള്‍.
