കൊച്ചി : കൊച്ചി പെരുമ്പാവൂരില്‍ ഇതര സംസ്ഥാന തൊഴിലാളിയെ മരിച്ച നിലയില്‍ കണ്ടെത്തി. അസ്സം സ്വദേശി മഹിബുള്ളയെയാണ് താമസ സ്ഥലത്ത് മരിച്ച നിലയില്‍ കണ്ടെത്തിയത്.
കാരിക്കോട് പെട്രോള്‍ പമ്പിന് സമീപത്ത് നിന്നും ദുര്‍ഗന്ധം വന്നതോടെ പ്രദേശവാസികള്‍ നടത്തിയ പരിശോധനയിലാണ് താമസിച്ചിരുന്ന മുറിക്കുള്ളില്‍ മഹിബുള്ള മരിച്ച് കിടക്കുന്നത് കണ്ടത്. ചെവിയുടെ ഭാഗത്ത് നിന്നും രക്തം വാര്‍ന്ന നിലയിലായിരുന്നു മൃതദേഹം.
മുറി പുറത്ത് നിന്നും പൂട്ടിയിരുന്നു. പൊലീസും ഫോറന്‍സിക്ക് വിദഗ്ധരും സ്ഥലത്തെത്തി നടത്തിയ പരിശോധനയില്‍ മൃതദേഹത്തിന് നാല് ദിവസം പഴക്കമുണ്ടെന്നും കണ്ടെത്തിയിട്ടുണ്ട്. കൊലപാതകമാണെന്ന സംശയത്തില്‍ പൊലീസ് അന്വേഷണം ആരംഭിച്ചു.
