താരദമ്പതികളായ ദിലീപിന്റെയും കാവ്യ മാധവന്റെയും പുതിയ വിശേഷങ്ങള്‍ അറിയാന്‍ ആരാധകര്‍ക്ക് ആകാംക്ഷയാണ്. ഇരുവരും തമ്മിലുളള ചിത്രങ്ങള്‍ക്കും വീഡിയോകള്‍ക്കും വന്‍ സ്വീകാര്യതയാണ് സോഷ്യല്‍ മീഡിയയില്‍ ലഭിക്കുന്നതും. ഇപ്പോള്‍ ഇരുവരും ഒന്നിച്ചുള്ള വീഡിയോയാണ് സോഷ്യല്‍ മീഡിയിയല്‍ വൈറലായിരിക്കുന്നത്. ദിലീപിന്റെ ഔദ്യോഗിക ഫാന്‍ ഗ്രൂപ്പ് ആയ ദിലീപ് ഓണ്‍ലൈനിലാണ് ഈ വീഡിയോ പങ്കുവച്ചിരിക്കുന്നത്.
വിവാഹത്തോടെ പൊതുവേദികളില്‍ നിന്നും മാറിനില്‍ക്കുന്ന കാവ്യയുടെ സോഷ്യല്‍ മീഡിയയില്‍ വരുന്ന ചിത്രങ്ങള്‍ക്കെല്ലാം വന്‍ സ്വീകാര്യതയാണ് ലഭിക്കുന്നത്. 2016 ല്‍ പുറത്തിറങ്ങിയ അടൂര്‍ ഗോപാലകൃഷ്ണന്റെ “പിന്നെ”യിലാണ് കാവ്യ അവസാനായി അഭിനയിച്ചത്. ദിലീപ് കാവ്യ ജോഡികളുടെ ഒന്നിച്ചുള്ള അവസാന ചിത്രവുമായിരുന്നു ഇത്.
വ്യാസന്‍ കെ.പി. സംവിധാനം ചെയ്യുന്ന ശുഭരാത്രിയാണ് ദിലീപിന്റെ പുതിയ ചിത്രം. അനുസിത്താരയാണ് ചിത്രത്തില്‍ ദിലീപിന്റെ നായിക. ദിലീപിന്റേയായി അവസാനം റിലീസ് ചെയ്ത കോടതിസമക്ഷം ബാലന്‍ വക്കീല്‍ നല്ല പ്രേഷക പ്രതികരണമാണ് നേടിയത്. ജാക്ക് ഡാനിയല്‍, പ്രൊഫസര്‍ ഡിങ്കന്‍ എന്നിവയാണ് ദിലീപിന്റെ മറ്റ് പ്രോജക്ടുകള്‍.
