ഡൽഹിയിൽ കനത്ത മൂടല്‍മഞ്ഞ് കാരണം ഇന്ദിരാഗാന്ധി വിമാനത്താവളത്തില്‍ നിന്ന് 46 വിമാനങ്ങള്‍ വഴിതിരിച്ചുവിട്ടു. ശനിയാഴ്ച അര്‍ധരാത്രിവരെയാണ് മൂടൽ മഞ്ഞ് കാരണം വിമാനം വഴിതിരിച്ച് വിട്ടത്. ശക്തമായ മൂടല്‍മഞ്ഞ് കാരണം കാഴ്ച വ്യക്തമാകാത്തതു മൂലമാണ് വിമാനങ്ങള്‍ വഴിതിരിച്ചുവിട്ടത്.
ഡല്‍ഹിയില്‍ രാത്രി 6.6 ഡിഗ്രിയും പകല്‍ സമയങ്ങളില്‍ 18 ഡിഗ്രിയുമാണ് ഇപ്പോൾ ഉള്ള താപനില.
വെളളിയാഴ്ച രാവിലെ വിമാനത്താവളത്തില്‍ നിന്ന് പുറപ്പെടേണ്ട 320 വിമാനങ്ങളും എത്തിച്ചേരേണ്ട 440 വിമാനങ്ങളും വൈകിയെന്നാണ് റിപ്പോർട്ട്. യാത്രക്കാര്‍ പുറപ്പെടുന്നതിന് മുമ്പ് വിമാനക്കമ്പനികളുമായോ വിമാനത്താവളവുമായോ ബന്ധപ്പെടേണ്ടതാണെന്നും ഡല്‍ഹി വിമാനത്താവള അധികൃതര്‍ അറിയിച്ചു.
കൂടാതെ, ഉത്തരേന്ത്യയിലേക്ക് പോകുന്ന 17 ട്രെയിനുകള്‍ വൈകുമെന്നും അധികൃതര്‍ അറിയിച്ചിട്ടുണ്ട്.
