ഡല്‍ഹി:ഡല്‍ഹി മദ്യനയക്കേസില്‍ എന്ഫോഴ്സ്മെന്റ് ഡയറക്ടറേറ്റിന് മുന്നില്‍ ഹാജരാകാതെ ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. സമന്‍സ് നിയമവിരുദ്ധമാണെന്നും വിഷയം കോടതി പരിഗണനയിലാണെന്നും എഎപി. ഇത് ആറാം തവണയാണ് കെജ്രിവാള്‍ ഇഡി സമന്‍സ് അവഗണിക്കുന്നത്.
‘എന്ഫോഴ്സ്മെന്റ് ഡയറക്ടറേറ്റ് തന്നെ കോടതിയെ സമീപിച്ചിട്ടുണ്ട്. വീണ്ടും വീണ്ടും സമന്‍സ് അയക്കുന്നതിന് പകരം, ഇഡി കോടതിയുടെ തീരുമാനത്തിനായി കാത്തിരിക്കുകയാണ് വേണ്ടത്’-ആം ആദ്മി പാര്‍ട്ടി പുറത്തിറക്കിയ പ്രസ്താവനയില്‍ പറയുന്നു.
കഴിഞ്ഞ അഞ്ച് തവണയും നോട്ടീസ് നല്‍കിയെങ്കിലും കെജ്രിവാള്‍ ഹാജരായിരുന്നില്ല. ഇതേ തുടര്‍ന്ന് ഇന്ന് ഹാജരാകാന്‍ ആവശ്യപ്പെട്ട് ആറാം തവണ ഇഡി സമന്‍സ് നല്‍കുകയായിരുന്നു. തുടര്‍ച്ചയായി നോട്ടീസുകള്‍ അവഗണിച്ച സാഹചര്യത്തിലാണ് ഇഡി കെജ്രിവാളിനെതിരെ കോടതിയെ സമീപിച്ചത്. കെജ്രിവാളിനെ ചോദ്യം ചെയ്യാന്‍ ഉത്തരവിടണമെന്ന് ആവശ്യപ്പെട്ടായിരുന്നു ഹര്‍ജി.
