ന്യൂഡല്‍ഹി: കിംഗ്‌സ് ഇലവന്‍ പഞ്ചാബിനെതിരെ ഡല്‍ഹി ഡെയര്‍ഡെവിള്‍സിന് വിജയം.
ഓപ്പണര്‍ സാം ബില്ലിങ്സ് അര്‍ധ സെഞ്ച്വറിയും(55) കോറി ആന്‍ഡേസന്റെ(22 പന്തില്‍ 39) ഇന്നിങ്സും കൂട്ടിനെത്തിയപ്പോള്‍ ഐ.പി.എല്‍ പത്താം സീസണില്‍ ഡല്‍ഹിക്ക് രണ്ടാം ജയം നേടാന്‍ കഴിഞ്ഞു. കിങ്സ് ഇലവന്‍ പഞ്ചാബിനെ 51 റണ്‍സിനാണ് സഹീര്‍ഖാനും കൂട്ടരും തോല്‍പിച്ചത്.
ഡല്‍ഹി നേടിയ 189 എന്ന വിജയലക്ഷ്യത്തിലേക്ക് ബാറ്റേന്തിയ പഞ്ചാബിന് 137 റണ്‍സെടുക്കാനെ കഴിഞ്ഞുള്ളൂ.
44 റണ്‍സെടുത്ത അക്സര്‍ പട്ടേലിന് മാത്രമെ പഞ്ചാബ് നിരയില്‍ തിളങ്ങാനായുള്ളൂ. ഡല്‍ഹിക്കായി ക്രിസ് മോറിസ് മൂന്നും ഷഹബാസ് നദീം പാറ്റ് കുമ്മിന്‍സ് എന്നിവര്‍ രണ്ടു വിക്കറ്റ് വീതവും വീഴ്ത്തി.
ഡല്‍ഹിയുടെ മലയാളി താരമായ സഞ്ജുവിന് 19 റണ്‍സെടുക്കാനെ കഴിഞ്ഞുള്ളൂ.
