ന്യൂഡല്‍ഹി: ഡല്‍ഹി-ഫൈസാബാദ് എക്സ്പ്രസ് പാളം തെറ്റി. 50ഓളം പേര്‍ക്ക് പരിക്കേറ്റു. ഇന്നു പുലര്‍ച്ചെ ഒരു മണിയോടെ ഉത്തര്‍പ്രദേശിലെ ഹാപുരിലായിരുന്നു അപകടം.
എക്‌സ്പ്രസിന്റെ നാല് എ.സി കോച്ചുകളും രണ്ട് സ്ലീപ്പര്‍ കോച്ചുകളും അടക്കം ഏഴ് കോച്ചുകളാണ് പാളം തെറ്റിയത്. ആളപായം റിപ്പോര്‍ട്ട് ചെയ്തിട്ടില്ല.
പരിക്കേറ്റവരെ ബസുകളില്‍ മീററ്റ്, ഗാസിയാബാദ്, ഹാപുര്‍ എന്നിവിടങ്ങളിലെ ആശുപത്രികളിലെത്തിച്ചു. മെഡിക്കല്‍, രക്ഷാസംഘങ്ങളെ സ്ഥലത്ത് എത്തിയതായി വടക്കന്‍ റെയില്‍വേ വക്താവ് നീരജ് ശര്‍മ അറിയിച്ചു. കൂടാതെ റെയില്‍വേ ഉദ്യോഗസ്ഥരും പൊലീസും സംഭവ സ്ഥലത്തെത്തിയിട്ടുണ്ട്.
അപകടത്തെ തുടര്‍ന്ന് ഡല്‍ഹി-മൊറാദാബാദ് പാതയില്‍ ഗതാഗതം സ്തംഭിച്ചു.
