ന്യൂഡല്‍ഹി: ഓടിക്കൊണ്ടിരുന്ന മെട്രോ ട്രെയിനിന് മുന്നിലേക്ക് ചാടിയ മധ്യവയസ്‌കന്‍ മരിച്ചു. ആത്മഹത്യയാണെന്നാണ് സംശയം. ഇന്ന് രാവിലെയാണ് സംഭവം. ഇതേത്തുടര്‍ന്ന് ഡല്‍ഹി മെട്രോ ഒരു മണിക്കൂറോളം തടസ്സപ്പെട്ടു.
അമ്പത് വയസോളം പ്രായം തോന്നിക്കുന്നയാളാണ് മരിച്ചത്. ഇയാള്‍ കറുത്ത പാന്റും വെള്ള ഷര്‍ട്ടുമാണ് ധരിച്ചിരുന്നത്. മൃതദേഹം ഡല്‍ഹിയിലെ ജിടിബി ആശുപത്രിയില്‍ സൂക്ഷിച്ചിരിക്കുകയാണ്. സിസിടിവി ദൃശ്യങ്ങളില്‍ നിന്ന് സംഭവം നടന്നത് 6.35 നാണെന്ന് വ്യക്തമായി. ദില്‍ഷാദ് ഗാര്‍ഡനിലേക്ക് പോവുകയായിരുന്ന ട്രെയിനിന് മുന്നിലേക്കാണ് ഇയാള്‍ ചാടിയത്.
