ന്യൂഡല്‍ഹി: കൊറോണ വൈറസ് ലോകമെമ്പാടും പടര്‍ന്ന് പിടിക്കുന്ന സാഹചര്യത്തില്‍ മലേഷ്യയില്‍ വെച്ച് നടത്താനിരുന്ന സുല്‍ത്താന്‍ അസ്ലന്‍ഷാ കപ്പ് ഹോക്കി ടൂര്‍ണമെന്റ് മാറ്റി വച്ചു.
ഏപ്രില്‍ മാസത്തില്‍ നടക്കേണ്ടിയിരുന്ന ടൂര്‍ണമെന്റ് സെപ്റ്റംബറിലേക്കാണ് പുനഃക്രമീകരിച്ചിക്കുന്നത്. കഴിഞ്ഞ തവണ ഇന്ത്യ അസ്ലന്‍ഷാ കപ്പ് ഫൈനലില്‍ എത്തിയിരുന്നു. കഴിഞ്ഞ ദിവസം കൊറോണ പടര്‍ന്നു പിടിക്കുന്ന പശ്ചാത്തലത്തില്‍ ഇന്ത്യ ഷോട്ഗണ്‍ ഷൂട്ടിംഗ് ചാമ്പ്യന്‍ഷിപ്പില്‍ നിന്ന് പിന്മാറിയിരുന്നു.
അതേസമയം, ഇന്ന് തന്നെ കൊറോണ മൂലം ഖത്തറില്‍ നടക്കാനിരുന്ന മോട്ടോ ജിപി ബൈക്ക് റേസിങും ജപ്പാനില്‍ നടക്കാനിരുന്ന ഏഷ്യന്‍ റേസ് വോക്കിംഗ് ചാമ്പ്യന്‍ഷിപ്പ് റദ്ദാക്കി.
