ഡെന്മാര്ക്ക് ഓപ്പണിന്റെ സെമി ഫൈനലില്‍ തോല്‍വി ഏറ്റുവാങ്ങി ഇന്ത്യയുടെ കിഡംബി ശ്രീകാന്ത്. നേരിട്ടുള്ള ഗെയിമിലാണ് ഇന്ത്യന്‍ താരം പരാജയപ്പെട്ടത്. നിലവിലെ ചാമ്പ്യനായ മൊമോട്ടയോട് പലപ്പോഴും നീണ്ട റാലികള്‍ക്ക് ശേഷം പോയിന്റ് നേടാനാകാതെയാണ് ശ്രീകാന്ത് പരാജയപ്പെട്ടത്.
ആദ്യ ഗെയിം 21-16നു വിജയിച്ച ജപ്പാന്‍ താരം രണ്ടാം ഗെയിമില്‍ തിരിച്ചുവരവിനു യാതൊരുവിധ അവസരവും നല്‍കാതെ 21-16, 21-12 എന്ന സ്‌കോറിനു പരാജയപ്പെടുത്തി. ഇതാദ്യമായാണ് മൊമോട്ട ഡെന്മാര്ക്ക് ഓപ്പണിന്റെ ഫൈനലിലെത്തുന്നത്.
