ന്യൂഡല്‍ഹി: കനത്ത മൂടല്‍ മഞ്ഞ് കാരണം ഡല്‍ഹിയില്‍ വ്യോമഗതാഗതം തടസപ്പെട്ടു. ഡല്‍ഹിയിലെ ഇന്ദിരാഗാന്ധി രാജ്യാന്തര വിമാനത്താവളത്തില്‍ റണ്‍വേയില്‍ കനത്ത മഞ്ഞുകാരണം രാവിലെ പുറപ്പെടേണ്ട 13 വിമാനങ്ങള്‍ വൈകിയാണ് പുറപ്പെട്ടത്.
ലഖ്‌നോ അന്തരാഷ്ട്ര വിമാനത്താവളത്തില്‍ നിന്നുള്ള വിമാനസര്‍വീസുകളും വൈകി.
മൂടല്‍മഞ്ഞുമൂലം ദൃശ്യപരിധി കുറഞ്ഞതിനാല്‍ ഡല്‍ഹിയില്‍ നിന്നുള്ള 50 ട്രെയിനുകള്‍ സമയം വൈകിയാണ് സര്‍വീസ് നടത്തുന്നത്.
ഡല്‍ഹിയുടെ പ്രധാന സ്ഥലങ്ങളിലെല്ലാം കനത്ത ഗതാഗത തടസം അനുഭവപ്പെട്ടു.
ഉത്തര്‍ പ്രദേശ്, ഹരിയാന, പഞ്ചാബ് എന്നിവിടങ്ങളിലും കനത്ത മൂടുല്‍ മഞ്ഞാണ് അനുഭവപ്പെട്ടത്.
