ധര്‍മശാല: ഇന്ന് നടക്കാനിരുന്ന ഇന്ത്യ – ദക്ഷിണാഫ്രിക്ക ഏകദിന പരമ്പരയിലെ ആദ്യ മത്സരം മഴ കാരണം വൈകുന്നു. ധര്‍മശാലയിലെ എച്ച്.പി.സി.എ സ്റ്റേഡിയത്തില്‍ വച്ചായിരുന്നു മത്സരം നടക്കാനിരിക്കുന്നത്.
രാവിലെ മഴ ഇല്ലെങ്കിലും ഉച്ചയ്ക്ക് ഒരു മണിക്ക് ശേഷം വീണ്ടും മഴ പെയ്യുകയാണ്. ഇവിടെ ഇന്നലെ വൈകീട്ടും രാത്രിയിലും മഴ പെയ്തിരുന്നു.
രാവിലെ ഔട്ട്ഫീല്‍ഡിലെ നനവ് കാരണം മത്സരം വൈകുമെന്ന് സൂചന ഉണ്ടായിരുന്നു. എന്നാല്‍ ഇപ്പോള്‍ മഴ പെയ്തതോടെ മത്സരം പ്രതിസന്ധിയിലാവുകയാണ്.
