ദിലീപും അനു സിത്താരയും പ്രധാനകഥാപാത്രങ്ങളായി എത്തിയ ‘ശുഭരാത്രി’യിലെ പ്രധാന രംഗങ്ങള്‍ അണിയറ പ്രവര്‍ത്തകര്‍ പുറത്തുവിട്ടു. ചിത്രത്തിന്റെ ഡിവിഡി റിലീസുമായി ബന്ധപ്പെട്ടാണ് സിനിമയിലെ ചില രംഗങ്ങള്‍ യുട്യൂബിലൂടെ റിലീസ് ചെയ്തത്.
കോടതി സമക്ഷം ബാലന്‍ വക്കീല്‍ എന്ന ഹിറ്റ് ചിത്രത്തിനുശേഷം ദിലീപ്- സിദ്ദിഖ് ടീം വീണ്ടും ഒന്നിക്കുന്ന ചിത്രമാണ് ‘ശുഭരാത്രി’. യഥാര്‍ഥ സംഭവത്തെ ആസ്പദമാക്കിയുള്ള ചിത്രമാണിത്. വ്യാസന്‍ കെ.പി. സംവിധാനം ചെയ്ത ചിത്രം തിയറ്ററുകളിലും മികച്ച പ്രതികരണം നേടിയിരുന്നു. നടന്‍ സിദ്ദിഖിന്റെ അഭിനയപ്രകടനമായിരുന്നു ചിത്രത്തിന്റെ മറ്റൊരു പ്രധാന ആകര്‍ഷണം. ദമ്പതികളായാണ് ദിലീപും അനു സിത്താരയും എത്തിയത്.
വിജയ് ബാബു, നെടുമുടി വേണു, സായി കുമാര്‍, സുരാജ് വെഞ്ഞാറമൂട്, ഇന്ദ്രന്‍, സൈജു കുറുപ്പ്, നാദിര്‍ഷ, ഹരീഷ് പേരടി, സുധി കോപ്പ, സന്തോഷ് കീഴാറ്റൂര്‍, പ്രശാന്ത്, ജയന്‍ ചേര്‍ത്തല, ശാന്തി കൃഷ്ണ, ആശാ ശരത്ത്, ഷീലു എബ്രാഹം, കെപിഎസി ലളിത, തെസ്നി ഖാന്‍ എന്നിവരാണ് ചിത്രത്തിലെ മറ്റു പ്രധാനതാരങ്ങള്‍.
