കൊച്ചി: നടിക്കെതിരെയുണ്ടായ ആക്രമണത്തില്‍ അപകീര്‍ത്തിപ്പെടുത്തുന്ന വാര്‍ത്തകള്‍ നല്‍കിയ മുഴുവന്‍ മാധ്യമങ്ങള്‍ക്കുമെതിരെ നടന്‍ ദിലീപ് ഡിജിപിക്ക് രേഖാമുലം പരാതിനല്‍കി.
സാമൂഹ്യമാധ്യമങ്ങളില്‍ തനിക്കെതിരെയുള്ള ആരോപണങ്ങള്‍ ചൂണ്ടിക്കാട്ടിയാണ് ദിലീപ് ഡിജിപിക്കു പരാതി നല്‍കിയത്. ദിലീപ് പരാതി നല്‍കുമെന്ന വാര്‍ത്ത Express Kerala നേരത്തെ റിപ്പോര്‍ട്ട് ചെയ്തിരുന്നു.
തനിക്ക് ഒരു ബന്ധവുമില്ലാത്ത കാര്യത്തിനാണ് ‘ചില കേന്ദ്രങ്ങള്‍’ വേട്ടയാടുന്നതെന്നാണ് ദിലീപിന്റെ ആരോപണം. അദ്ദേഹം പുറത്ത് വിട്ട ഫേസ്ബുക്ക് പോസ്റ്റില്‍ നടിക്ക് നേരെയുണ്ടായ ദാരുണമായ സംഭവത്തില്‍ ഉള്‍പ്പെട്ട മുഴുവന്‍ പ്രതികളെയും എത്രയും വേഗം പിടികൂടി പരമാവധി ശിക്ഷ വാങ്ങിക്കൊടുക്കണമെന്ന് പൊലീസിനോട് ആവശ്യപ്പെട്ടിരുന്നു.
