ദിലീപ് നായകനായി എത്തുന്ന റാഫി ചിത്രം എന്ന നിലയിൽ ശ്രദ്ധിക്കപ്പെട്ട സിനിമയാണ് ‘വോയിസ് ഓഫ് സത്യനാഥൻ’. ഏറെ നാളത്തെ കാത്തിരിപ്പിനൊടുവിൽ കഴിഞ്ഞ ദിവസം റിലീസ് ചെയ്ത ചിത്രത്തിന് വൻ വരവേൽപ്പാണ് പ്രേക്ഷക ഭാഗത്തുനിന്നും ലഭിച്ചത്. ഇപ്പോഴിതാ ചിത്രത്തിന്റെ ആദ്യദിന കളക്ഷൻ വിവരങ്ങളാണ് പുറത്തുവരുന്നത്.
ചിത്രത്തിൽ പ്രധാന വേഷത്തിൽ എത്തിയ ജോണി ആന്റണി ആണ് വോയിസ് ഓഫ് സത്യനാഥന്റെ ബോക്സ് ഓഫീസ് വിവരം പങ്കുവച്ചിരിക്കുന്നത്. 1.80 കോടിയാണ് ആദ്യദിനത്തിൽ ദിലീപ് ചിത്രം നേടിയതെന്നാണ് ഇദ്ദേഹം കുറിക്കുന്നത്. കേരളത്തിലെ മാത്രം ബോക്സ് ഓഫീസ് കളക്ഷനാണിത്. ഇതോടെ ആദ്യ ദിനം കേരളത്തിലെ ബോക്സ് ഓഫീസ് കളക്ഷനിൽ ഏറ്റവും കൂടുതൽ തുക നേടുന്ന അഞ്ചാമത്തെ ചിത്രമായി മാറിയിരിക്കുകയാണ് വോയ്‌സ് ഓഫ് സത്യനാഥൻ. ചിത്രത്തിന് എങ്ങും ഹൗസ് ഫുൾ ഷോകളാണ് നടക്കുന്നത്. വരും ദിവസങ്ങളിലും ചിത്രം മികച്ച കളക്ഷന്‍ നേടുമെന്നാണ് വിലയിരുത്തലുകള്‍.
വളരെ ഏറെ രസകരമായ ഒരു കുടുംബ ചിത്രം ആയിട്ടാണ് റാഫി, ‘സത്യനാഥൻ’ അണിയിച്ച് ഒരുക്കിയിരിക്കുന്നത്. സമൂഹത്തിൽ നടക്കുന്ന നിരവധി പ്രശ്ങ്ങളിലേക്കും ചിത്രം വിരൽ ചൂണ്ടുന്നുണ്ട്. 3 വർഷത്തെ ഇടവേളയ്ക്ക് ശേഷം തിയറ്ററുകളിൽ എത്തുന്ന ഒരു ദിലീപ് ചിത്രം കൂടിയാണ് ഇത്. അതുകൊണ്ട് തന്നെ ഏറെ ആവേശത്തോടെ ആണ് പ്രേക്ഷകർ ചിത്രം കാണാനെത്തിയത്. ദിലീപിനൊപ്പം ജോജു ജോർജ്ജും ചിത്രത്തിൽ പ്രധാന വേഷത്തിൽ എത്തുന്നുണ്ട്.
ബാദുഷ സിനിമാസിന്റേയും ഗ്രാന്റ് പ്രൊഡക്ഷന്‍സിന്റേയും പെൻ & പേപ്പർ ക്രിയേഷൻസിന്റെയും ബാനറിൽ എൻ.എം ബാദുഷ, ഷിനോയ് മാത്യു, ദിലീപ്, രാജൻ ചിറയിൽ എന്നിവർ ചേർന്നാണ് ചിത്രം നിർമ്മിക്കുന്നത്. കഥ തിരക്കഥ സംഭാഷണം സംവിധാനം എന്നിവ നിർവ്വഹിച്ചിരിക്കുന്നത് ചിത്രത്തിന്റെ സംവിധായകൻ കൂടിയായ റാഫി തന്നെയാണ്. ദിലീപിനും ജോജുവിനും ഒപ്പം അനുപം ഖേർ, മകരന്ദ് ദേശ്പാണ്ഡെ, അലൻസിയർ ലോപ്പസ്, ജഗപതി ബാബു, ജാഫർ സാദിഖ് (വിക്രം ഫൈയിം),സിദ്ദിഖ്, ജോണി ആൻ്റണി, രമേഷ് പിഷാരടി, ജനാർദ്ദനൻ, ബോബൻ സാമുവൽ, ബെന്നി പി നായരമ്പലം, ഫൈസൽ, ഉണ്ണിരാജ, വീണാ നന്ദകുമാർ, സ്മിനു സിജോ,അംബിക മോഹൻ എന്നിവരാണ് മറ്റ് അണിയറ പ്രവർത്തകർ.
എക്സിക്യൂട്ടീവ് പ്രൊഡ്യൂസർ-മഞ്ജു ബാദുഷ,നീതു ഷിനോജ്,കോ പ്രൊഡ്യൂസർ : രോഷിത് ലാൽ വി 14 ലവൻ സിനിമാസ്, പ്രിജിൻ ജെ പി,ജിബിൻ ജോസഫ് കളരിക്കപ്പറമ്പിൽ (യു ഏ ഇ).ഛായാഗ്രഹണം : സ്വരുപ് ഫിലിപ്പ്,സംഗീതം:അങ്കിത് മേനോൻ,എഡിറ്റര്‍:ഷമീര്‍ മുഹമ്മദ്, വസ്ത്രാലങ്കാരം:സമീറ സനീഷ്, കല സംവിധാനം:എം ബാവ, പ്രൊഡക്ഷന്‍ കണ്‍ട്രോളര്‍ : ഡിക്‌സണ്‍ പൊടുത്താസ്,മേക്കപ്പ് : റോണക്‌സ് സേവ്യര്‍, ചീഫ് അസ്സോസിയേറ്റ്: സൈലെക്‌സ് എബ്രഹാം, അസ്സോസിയേറ്റ് ഡയറക്ടര്‍ : മുബീന്‍ എം റാഫി, ഫിനാന്‍സ് കണ്‍ട്രോളര്‍ : ഷിജോ ഡൊമനിക്,റോബിന്‍ അഗസ്റ്റിന്‍,ഡിജിറ്റൽ മാർക്കറ്റിംഗ് : മാറ്റിനി ലൈവ്, സ്റ്റിൽസ് :ശാലു പേയാട്, ഡിസൈന്‍: ടെന്‍ പോയിന്റ്,പി ആർ ഓ പ്രതീഷ് ശേഖർ.
