മുംബൈ: ഓക്സിജന്‍ കോണ്‍സന്റ്രേറ്ററുകള്‍ വിതരണം ചെയ്യാന്‍ സന്നദ്ധ സംഘടനകളുടെ സഹായം ആവശ്യപ്പെട്ട് ബോളിവുഡ് നടി ട്വിങ്കില്‍ ഖന്ന. യുകെയില്‍ നിന്നെത്തിച്ച 100 കോണ്‍സന്റ്രേറ്ററുകള്‍ ഉണ്ടെന്നും അവ വിതരണം ചെയ്യാന്‍ സഹായിക്കാമോ എന്നുമാണ് അവര്‍ ചോദിച്ചത്. ട്വിറ്ററിലാണ് നടിയുടെ അഭ്യര്‍ത്ഥന. നിരവധി പേരാണ് നടിയുടെ ട്വീറ്റ് പങ്കുവച്ചത്.
നേരത്തെ, കോവിഡില്‍ യുഎസിനോട് സഹായം അഭ്യര്‍ത്ഥിച്ച് നടി പ്രിയങ്ക ചോപ്രയും രംഗത്തെത്തിയിരുന്നു. തന്റെ രാജ്യം അതിഗുരുതരമായ സാഹചര്യത്തിലൂടെയാണ് മുമ്പോട്ടു പോകുന്നത് എന്നും യുഎസ് വാങ്ങിയ വാക്‌സിനുകള്‍ ഇന്ത്യയുമായി പങ്കുവയ്ക്കാമോ എന്നുമാണ് പ്രിയങ്ക ചോദിച്ചത്.
യുഎസ് പ്രസിഡണ്ട് ജോ ബൈഡന്‍ അടക്കമുള്ളവരെ മെന്‍ഷന്‍ ചെയ്താണ് നടിയുടെ ട്വീറ്റ്. ആവശ്യമുള്ളതിനേക്കാള്‍ 550 ദശലക്ഷം കൂടുതല്‍ വാക്‌സിനുകള്‍ യുഎസ് ഓര്‍ഡര്‍ ചെയ്തതായും പ്രിയങ്ക ചൂണ്ടിക്കാട്ടി. അതു പങ്കുവയ്ക്കാമോ എന്നാണ് അവര്‍ ചോദിച്ചത്.
