മലപ്പുറം : മലപ്പുറത്ത് രാത്രികാല നിരോധനാജ്ഞ പ്രഖ്യാപിച്ചു. രാത്രി എട്ട് മണി മുതല്‍ രാവിലെ എട്ട് മണി വരെയാണ് നിരോധനാജ്ഞ പ്രഖ്യാപിച്ചിരിക്കുന്നത്. നാളെ മുതല്‍ ഡിസംബര്‍ 22 വരെയാണ് കർഫ്യൂ. സി.ആര്‍.പി.സി സെക്ഷന്‍ 144 പ്രകാരം ജില്ലാ കലക്ടര്‍ കെ. ഗോപാലകൃഷ്ണനാണ് നിരോധനാജ്ഞ പ്രഖ്യാപിച്ചത്.
ഡിസംബർ 14ന് മൂന്നാംഘട്ട തെരഞ്ഞെടുപ്പിലാണ് കോഴിക്കോടും മലപ്പുറത്തും പോളിംഗ് നടന്നത്. കോഴിക്കോട് വോട്ടിംഗിനിടെ ചിലയിടങ്ങളിൽ സംഘർഷങ്ങളും മറ്റ് അനിഷ്ട സംഭവങ്ങളും അരങ്ങേറിയിരുന്നു. ഈ പശ്ചാത്തലത്തിലാണ് നിരോധനാജ്ഞ പുറപ്പെടുവിച്ചത്.
