മുംബൈ : മുംബൈയിലെ നായര്‍ ആശുപത്രിയില്‍ ഏഴ് മണിക്കൂര്‍ നീണ്ട ശസ്ത്രക്രിയയിലൂടെ യുവാവിന്റെ തലയിൽ നിന്നും 1.8 കിലോ ട്യൂമര്‍ നീക്കം ചെയ്തു. 31 വയസ്സുകാരനായ സന്‍ത്ലാല്‍ പാല്‍ എന്ന വസ്ത്ര വ്യാപാരിയുടെ തലയിലായിരുന്നു അസ്വാഭാവികമായ വലിപ്പത്തില്‍ ട്യൂമര്‍ വളര്‍ന്നത്.
ലോകത്ത് തന്നെ ആദ്യമായാണ് ഇത്രയും വലിപ്പത്തിലുള്ള ട്യൂമര്‍ ശസ്ത്രക്രിയയിലൂടെ നീക്കം ചെയ്യുന്നത്. ഇതിന് മുമ്ബ് 1.4 കിലോ തൂക്കമുള്ള ട്യൂമര്‍ നീക്കം ചെയ്തിരുന്നു. തലയോട്ടിയില്‍ മുഴയും ശക്തമായ തലവേദനയും ഉത്തര്‍പ്രദേശുകാരനായ ഇയാൾക്ക് അനുഭവപ്പെട്ടിരുന്നു.
അപൂര്‍വ്വമായ ശാസ്ത്രക്കിയ വിജയമായത് ചരിത്രമാണെന്നും അതിനൂതന ചികിത്സ നല്‍കാന്‍ ആശുപത്രി പര്യാപതമായതിന്റെ ഉദാഹരണമാണിതെന്നും ഡോ. രമേഷ് ഭര്‍മാല്‍ വ്യക്തമാക്കി.
