മലയാളത്തിലെ ശ്രദ്ധേയനായ കവി പത്മശ്രീ അക്കിത്തം അച്യുതന്‍ നമ്പൂതിരിയെ കുറിച്ച് ഒരുങ്ങുന്ന ഡോക്യുമെന്ററിയുടെ ചിത്രീകരണം ആരംഭിച്ചു. പാലക്കാട് ജില്ലയിലെ കുമരനല്ലൂരിന് സമീപമുള്ള അക്കിത്തത്തിന്റെ വീട്ടിലാണ് ചിത്രീകരണം ആരംഭിച്ചത്.
ചാത്തനേത്ത് അച്യുതനുണ്ണി, ആര്‍ട്ടിസ്റ്റ് നമ്പൂതിരി, ഡോ എന്‍ പി വിജയകൃഷ്ണന്‍ എന്നിവര്‍ അക്കിത്തവുമായുള്ള സൗഹൃദത്തിന്റെ ഓര്‍മകള്‍ അയവിറക്കുന്ന ഭാഗങ്ങള്‍ പൊന്നാനി, എടപ്പാള്‍, കുമരനല്ലൂര്‍ എന്നിവിടങ്ങളിലും, വി.ടി.ഭട്ടതിരിപ്പാടിന്റെ മേഴത്തൂര്‍ മനയിലുമാണ് ചിത്രീകരിച്ചത്.
അന്തരിച്ച പ്രശസ്ത ഛായാഗ്രാഹകന്‍ എം.ജെ.രാധാകൃഷ്ണന്റെ മകന്‍ യദു രാധാകൃഷ്ണനാണ് ഡോക്യുമെന്ററിയുടെ ഛായാഗ്രഹണം നിര്‍വ്വഹിക്കുന്നത്. നിശ്ചല ഛായാഗ്രഹണം അനില്‍ പേരാമ്പ്ര. അസിസ്റ്റന്റ് ഡയറക്ടര്‍ സമീര്‍ ഉസ്മാന്‍.
