ദോഹ: കൊറണ വൈറസ് പടര്‍ന്ന് പിടിക്കുന്ന സാഹചര്യത്തില്‍ ഖത്തറില്‍ നടക്കാനിരുന്ന മോട്ടോ ജിപി ബൈക്ക് റേസിങ് റദ്ദാക്കി. വൈറസിനെ തുടര്‍ന്ന് വിവിധ രാജ്യങ്ങളിലുള്ളവര്‍ക്ക് ഏര്‍പ്പെടുത്തിയ യാത്രാ വിലക്കിനെ തുടര്‍ന്നാണ് തീരുമാനം.
മത്സരിക്കാനെത്തുന്നവര്‍ക്ക് കൂടി കൊറോണ സ്ഥിരീകരിക്കുന്ന സാഹചര്യമുണ്ടായതിനാലാണ്‌ മത്സരങ്ങള്‍ മാറ്റിവെയ്ക്കുന്നത്. നേരത്തെ അന്താരാഷ്ട്ര സൈക്കിള്‍ ഓട്ട മത്സരം യു.എ.ഇ റദ്ദാക്കിയിരുന്നു.
ബഹ്‌റൈനിലും കുവൈത്തിലും പൊതുപരിപാടികള്‍ പരമാവധി വേണ്ടെന്ന് വെയ്ക്കണമെന്നാണ് നിര്‍ദേശം.
