കൊച്ചി: കോണ്‍ഗ്രസ് നേതാവ് ബെന്നി ബെഹ്നാനും ഭാര്യക്കും മകള്‍ക്കും ഇരട്ടവോട്ട് കണ്ടെത്തി. തൃക്കാക്കര, അങ്കമാലി മണ്ഡലങ്ങളിലായാണ് ഇവര്‍ക്ക് ഇരട്ടവോട്ടുള്ളത്. തൃക്കാക്കര മണ്ഡലത്തിലെ 112 ാം ബൂത്തില്‍ 742, 743, 745 സീരിയല്‍ നമ്പറുകളിലായാണ് യഥാക്രമം ബെന്നി ബെഹ്നാനും ഭാര്യ ഷെര്‍ളി ബെന്നിക്കും മകള്‍ വീണ തോമസിനും വോട്ടുള്ളത്.
അങ്കമാലി മണ്ഡലത്തിലെ 85 ാം ബൂത്തില്‍ 1145, 1146, 1147 സീരിയല്‍ നമ്പറിലാണ് യഥാക്രമം വീണ തോമസ്, ഷെര്‍ളി ബെന്നി, ബെന്നി ബെഹ്നാന്‍ എന്നിവര്‍ക്ക് വോട്ടുണ്ട്.
നേരത്തെ, പ്രതിപക്ഷ നേതാവ് രമേശ് ചെന്നിത്തലയുടെ അമ്മയ്ക്ക് ഇരട്ടവോട്ടുള്ളതായി കണ്ടെത്തിയിരുന്നു. ഇതിന് പുറമേ പത്മജ വേണുഗോപാല്‍ എ.ഐ.സി.സി വക്താവ് ക്ഷമ മുഹമ്മദ്, യു.ഡി.എഫ് സ്ഥാനാര്‍ത്ഥി എസ്.എസ് ലാല്‍ തുടങ്ങിയവര്‍ക്കും ഇരട്ട വോട്ട് കണ്ടെത്തിയിരുന്നു.
