ന്യൂഡല്ഹി: ജമ്മു കശ്മീരില് വീണ്ടും ഡ്രോണ് കണ്ടെത്തി. സത്വവാരിയില് ഇന്ന് പുലര്ച്ച 4.05 ഓടെയാണ് ഡ്രോണ് കണ്ടത്. സംഭവത്തില് ജമ്മു കശ്മീര് പൊലീസും മറ്റ് സുരക്ഷാ സേനയും അന്വേഷണം ആരംഭിച്ചു.
ജമ്മു വിമാത്താവളത്തിലെ ഡ്രോണ് ആക്രമണത്തിന് പിന്നാലെ ജമ്മു കശ്മീരില് ജാഗ്രത നിര്ദ്ദേശമുണ്ട്. മൂന്ന് ജില്ലകളില് ഡ്രോണ് ഉപയോഗിക്കുന്നത് വിലക്കിയിരിക്കുകയാണ്. ഡ്രോണുകള് വില്ക്കുന്നതിനും വാങ്ങുന്നതിനും വിലക്കുണ്ട്.
