ചിലപ്പോള്‍ മനുഷ്യരെക്കാള്‍ ബുദ്ധിയും വിവേകവും മൃഗങ്ങള്‍ക്കുണ്ടെന്ന് പറയുന്നത് ശരിയാണെന്ന് ഈ വീഡിയോയിലൂടെ ഉറപ്പിക്കാം. ഒരു പട്ടിക്ക് മുമ്പില്‍ പെട്ടുപോയതിനെ തുടര്‍ന്ന് ചത്തുകിടക്കുന്നതായി അഭിനയിക്കുന്ന താറാവാണ് ഈ വീഡിയോയിലെ താരം. കഴിഞ്ഞ വര്‍ഷം വ്യാപകമായി പ്രചരിക്കപ്പെട്ട ഈ വീഡിയോ ഐഎഫ്എസ് ഉദ്യോഗസ്ഥനായ സുഷാന്ത നന്ദയാണ് ഇപ്പോള്‍ വീണ്ടും ട്വറ്ററിലൂടെ പങ്കുവച്ചിരിക്കുന്നത്.
കണ്ണടച്ച്, തറയില്‍ പറ്റിച്ചേര്‍ന്ന് കിടക്കുകയാണ് താറാവ്. ഒറ്റനോട്ടത്തിലല്ല, രണ്ടോ മൂന്നോ തവണ നോക്കിയാലും ചത്തതാണെന്നേ പറയൂ. അല്‍പനേരം അതിനരികില്‍ നിന്ന ശേഷം പട്ടി തിരിച്ചോടുന്ന ക്ഷണം സര്‍വശക്തിയുമെടുത്ത് താറാവ് എഴുന്നേറ്റോടുകയാണ്. രസകരമായ ഈ വീഡിയോ നിരവധി പേരാണ് സോഷ്യല്‍ മീഡിയകളില്‍ ഷെയര്‍ ചെയ്യുന്നത്.
Acting is all about faking honestly?
Duck acts as dead to escape the dog… pic.twitter.com/o4zc0W7eHt— Susanta Nanda IFS (@susantananda3) April 12, 2020
