ത്രീ ഇഡിയറ്റ്‌സ് ടീം വീണ്ടും ഒന്നിക്കുന്നു. ടീമിലെ പ്രധാനിയായ ശര്‍മ്മന്‍ ജോഷിയാണ് സോഷ്യല്‍ മീഡിയയിലൂടെ ഇത്തരമൊരു വെളിപ്പെടുത്തല്‍ നടത്തിയിരിക്കുന്നത്.
ബോളിവുഡിലെ പണംവാരി ചിത്രങ്ങളില്‍ ഒന്നായിരുന്നു രാജ്കുമാര്‍ ഹിരാനി സംവിധാനം ചെയ്ത ത്രീ ഇഡിയറ്റ്‌സ്.
ആമിര്‍ ഖാനും മാധവനും ശര്‍മ്മന്‍ ജോഷിയും പ്രധാന കഥാപാത്രങ്ങളെ അവതരിപ്പിച്ച ചിത്രം അപൂര്‍വ സൗഹൃദത്തിന്റെയും പ്രണയത്തിന്റെയും കഥയാണ് പ്രേക്ഷകര്‍ക്ക് നല്‍കിയത്. നാലു പേര്‍ അടങ്ങുന്ന മറ്റൊരു ആശയം ഹിരാനി എന്നോട് ചര്‍ച്ച ചെയ്തു.
അത് കേട്ടത് മുതല്‍ കാത്തിരിക്കാന്‍ വയ്യാത്ത അവസ്ഥയിലാണ് താനെന്ന് ശര്‍മ്മന്‍ തന്റെ കുറിപ്പില്‍ പറയുന്നു. ത്രീ ഇഡിയറ്റ്‌സ് പോലെ മറ്റൊരു ഗംഭീരന്‍ ചിത്രമാകും ഇതെന്ന കണക്കുകൂട്ടലിലാണ് ആരാധകര്‍. ചിത്രത്തിന്റെ കൂടുതല്‍ വിവരങ്ങള്‍ തത്കാലം പുറത്തുവിടുന്നില്ലെന്നും ശര്‍മ്മന്‍ പോസ്റ്റില്‍ കുറിച്ചിട്ടുണ്ട്.
