ആഥന്‍സ്: ഗ്രീക്ക് ദ്വീപുകളായ ലെസ്‌ബോസ്, ചിയോസ് എന്നിവിടങ്ങളിലും പടിഞ്ഞാറന്‍ തുര്‍ക്കിയിലും ശക്തമായ ഭൂചലനം. റിക്ടര്‍ സ്‌കെയിലില്‍ 6.3 തീവ്രത രേഖപ്പെടുത്തിയ ഭൂചലനമാണ് നടന്നത്.
ലെസ്‌ബോസിലെ ഗ്രാമത്തില്‍ വീടു തകര്‍ന്ന് ഒരു സ്ത്രീ മരിച്ചു. പത്തുപേര്‍ക്കു പരിക്കേറ്റതായും റിപ്പോര്‍ട്ടുകളുണ്ട്.
ലെസ്‌ബോസിലെ പ്‌ളോമാരി ഗ്രാമത്തിനു തെക്ക് ഈജിയന്‍ കടലിലായിരുന്നു പ്രഭവകേന്ദ്രമെന്നു യുഎസ് ജിയോളജിക്കല്‍ സര്‍വേ അറിയിച്ചു. തുര്‍ക്കിയിലെ ഇസ്മിറിലും ആഥന്‍സിലും പ്രകമ്പനം അനുഭവപ്പെട്ടു.
