ഡൽഹി: ഇന്ത്യയുടെ സാമ്പത്തിക വളർച്ചയിൽ കുതിപ്പ്. ഏപ്രിൽ- ജൂൺ പാദത്തിൽ ജിഡിപി 13.5 ശതമാനം വളർച്ച രേഖപ്പെടുത്തിയതായി കണക്കുകൾ വ്യക്തമാക്കുന്നു.
ഒരു വർഷത്തിനിടയിലെ ഏറ്റവും ഉയർന്ന വളർച്ചാനിരക്കാണിത്. തൊട്ടുമുൻപത്തെ പാദമായ ജനുവരി- മാർച്ച് കാലയളവിൽ സാമ്പത്തിക വളർച്ചാനിരക്ക് കേവലം 4.1 ശതമാനമായിരുന്നു.ഇതിൽ നിന്നാണ് ഏപ്രിൽ പാദത്തിൽ മൂന്ന് ഇരട്ടി വർധന ഉണ്ടായത്.
മുൻവർഷം ഏപ്രിൽ- ജൂൺ കാലയളവിൽ ജിഡിപിയിൽ 20.1 ശതമാനത്തിന്റെ വർധനയാണ് രേഖപ്പെടുത്തിയത്. തൊട്ടുമുൻപത്തെ വർഷത്തെ സമാനകാലയളവിൽ കോവിഡ് മഹാമാരിയുടെ പിടിയിലായിരുന്നു രാജ്യം. ഒരു വർഷം കഴിഞ്ഞപ്പോൾ സാമ്പത്തിക വളർച്ച മെച്ചപ്പെടുകയായിരുന്നു.
