ഒല്ലൂര്‍: ഭാര്യയുടെ കണ്‍മുന്നിലിട്ട് വയോധികനെ കാട്ടാന ചവിട്ടിക്കൊന്നു. മാന്നാമംഗലം ദാമോദരന്‍ (67)നാണ് മരിച്ചത്. ഇന്ന് രാവിലെ മാന്നാമംഗലം 7കെഎം വനത്തിനുള്ളില്‍ ചക്കപ്പാറയിലാണ് സംഭവം.
കാട്ടില്‍ വനവിഭവങ്ങള്‍ ശേഖരിക്കാനാണ് ദാമോദരനും ഭാര്യ തങ്കയും ഞായറാഴ്ച കാട്ടിലേയ്ക്ക് പോയത്.പുളിഞ്ചിക്കായ് പറക്കുമ്പോള്‍ താഴെ നിന്ന് ആന വരുന്നത് കണ്ട് മാറിനില്‍ക്കാന്‍ ശ്രമിക്കവേ മുകളില്‍ നിന്നുവന്ന മറ്റൊരാന തുമ്പികൈകൊണ്ട് അടിക്കുകയായിരുന്നു.
മാന്നാമംഗലം വനംവകുപ്പ് അധികൃതരും ഒല്ലൂര്‍ പൊലീസും എത്തിയാണ് മേല്‍നടപടികള്‍ സ്വീകരിച്ചത്.
