മാഡ്രിഡ്: സര്‍ക്കസ് കമ്പനിയുടെ ട്രക്ക് തല കീഴായി മറിഞ്ഞ് വാഹനത്തിലുണ്ടായിരുന്ന ഒരു ആന ചരിഞ്ഞു. തെക്കു കിഴക്കന്‍ സ്‌പെയിനിലാണ് സംഭവം.
അപകടത്തില്‍ രണ്ട് ആനകള്‍ക്ക് ഗുരുതരമായി പരുക്കേറ്റു. അഞ്ച് ആനകളുമായി പോയ സര്‍ക്കസ് കമ്പനിയുടെ ട്രക്കാണ് അപകടത്തില്‍പ്പെട്ടത്.
പോസോ കാനഡയിലെ തിരക്കേറിയ റോഡില്‍ വച്ചാണ് അപകടമുണ്ടായത്. മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടെ നിയന്ത്രണം നഷ്ടപ്പെട്ട ട്രക്ക് തലകീഴായി മറിയുകയായിരുന്നു. പരിക്കേറ്റ ആനകളെ ക്രെയിന്‍ ഉപയോഗിച്ച് ഉയര്‍ത്തിയാണ് മാറ്റിയത്. പരുക്കേറ്റ ആനകള്‍ക്ക് ചികിത്സ നല്‍കി.
