മലപ്പുറം: മുഖ്യമന്ത്രിയുടെ കമാന്‍ഡോ സംഘത്തിലെ ഉദ്യോഗസ്ഥനും സുഹൃത്തുക്കളും ചേര്‍ന്ന് കോളേജ് വിദ്യാര്‍ഥിയെ മര്‍ദ്ദിച്ചതായി പരാതി.
മലപ്പുറം ജില്ലയിലെ വിനോദസഞ്ചാര കേന്ദ്രമായ കൊരങ്ങന്‍ചോലയിലാണ് സംഭവം നടന്നത്. കമാന്‍ഡോ സംഘത്തിലെ ഉദ്യോഗസ്ഥനായ വാഹിദും ഏഴംഗ സുഹൃത്ത് സംഘവും ചേര്‍ന്ന് യദുകൃഷ്ണന്‍ എന്ന വിദ്യാര്‍ഥിയെയാണ് മര്‍ദ്ദിച്ചത്. കുട്ടിയെ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
കഴിഞ്ഞ ദിവസമായിരുന്നു സംഭവമുണ്ടായത്. വിനോദസഞ്ചാര കേന്ദ്രമായ കൊരങ്ങന്‍ചോലയില്‍ എത്തിയ വാഹിദും സംഘവും യദുകൃഷ്ണനോടും ഒപ്പമുണ്ടായിരുന്ന സുഹൃത്തിനോടും സിഗരറ്റ് ചോദിച്ചു. വിദ്യാര്‍ഥികള്‍ ഇല്ലെന്ന് അറിയിച്ചപ്പോള്‍ കഞ്ചാവ് ഉണ്ടോയെന്ന് ചോദിച്ചു. ഇതൊന്നും തങ്ങളുടെ പക്കലില്ലെന്ന് വിദ്യാര്‍ഥികള്‍ പറഞ്ഞതോടെ ഇരുവരും സ്‌കൂട്ടര്‍ പരിശോധിക്കണമെന്ന് നിര്‍ബന്ധം പിടിക്കുകയും തുടര്‍ന്ന് മര്‍ദ്ദിക്കുകയായിരുന്നുവെന്നും പരാതിയില്‍ പറയുന്നു.
