ത്രിരാഷ്ട്ര ടി 20 യില്‍ വിജയത്തിന്റെ ജൈത്രയാത്ര തുടര്‍ന്ന് ഇംഗ്ലണ്ട് ടീം. മൂന്ന് ടീമുകളും നാല് മത്സരങ്ങള്‍ വീതം കളിച്ചപ്പോള്‍ മൂന്ന് ജയം സ്വന്തമാക്കി ഇംഗ്ലണ്ടാണ് പോയിന്റ് പട്ടികയില്‍ മുന്നില്‍. രണ്ടാം സ്ഥാനത്ത് രണ്ട് വിജയവുമായി ന്യൂസിലാന്റും. ഞായറാഴ്ചയാണ് ഇംഗ്ലണ്ടും ന്യൂസിലാണ്ടും തമ്മിലുള്ള ഫൈനല്‍ മത്സരം.
കഴിഞ്ഞദിവസം നടന്ന മത്സരത്തില്‍ ന്യൂസിലാന്റിനെ 129 റണ്‍സിനു ഓള്‍ഔട്ട് ആക്കിയ ശേഷമാണ് ഇംഗ്ലണ്ട് 7 വിക്കറ്റിനു മത്സരം നേടിയത്. സോഫി ഡിവൈന്‍ അര്‍ദ്ധ ശതകവുമായി ന്യൂസിലാന്റ് നിരയില്‍ മികച്ച് നിന്നുവെങ്കിലും മറ്റു താരങ്ങളില്‍ നിന്ന് വേണ്ടത്ര പിന്തുണ ലഭിച്ചില്ല.
18.1 ഓവറില്‍ ഇംഗ്ലണ്ട് ന്യൂസിലാന്റിനെ ഓള്‍ഔട്ട് ആക്കുകയായിരുന്നു. അന്യ ഷ്രുബ്‌സോള്‍ മൂന്നും ഡാനിയേല്‍ ഹാസല്‍ രണ്ട് വിക്കറ്റും മത്സരത്തില്‍ നേടിയപ്പോള്‍ കാത്തി ജോര്‍ജ്ജ്, കാത്തറിന്‍ ബ്രണ്ട്, സോഫി എക്‌സെല്‍സ്റ്റോണ്‍, നത്താലി സ്‌കിവര്‍ എന്നിവരും വിക്കറ്റ് പട്ടികയില്‍ ഇടം പിടിച്ചു.
