ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ വമ്പന്മാരായ ചെല്‍സി, മാഞ്ചസ്റ്റര്‍ സിറ്റി, ആഴ്‌സണല്‍ എന്നിവയ്ക്ക് മിന്നും ജയം. മറുപടിയില്ലാത്ത നാലു വീതം ഗോളുകള്‍ക്കാണ് ഇവയുടെ വിജയാഘോഷം. ചെല്‍സി ആസ്റ്റണ്‍ വില്ലയേയും മാഞ്ചസ്റ്റര്‍ സിറ്റി ബേര്‍ണിമൗത്തിനെയും ആഴ്‌സണല്‍ വാറ്റ്‌ഫോഡിനെയുമാണ് കീഴടക്കിയത്.
മറ്റു മത്സരങ്ങളില്‍ നോര്‍വിച്ച് 3-2ന് ന്യൂകാസിലിനെ പരാജയപ്പെടുത്തിയപ്പോള്‍ ലിവര്‍പൂള്‍-ടോട്ടനം, സ്റ്റോക് സിറ്റി-സ്വാന്‍സീ സിറ്റി, സണ്ടര്‍ലന്‍ഡ്-വെസ്റ്റ് ബ്രോംവിച്ച് മത്സരങ്ങള്‍ സമനിലയില്‍ കലാശിച്ചു.
ലീഗില്‍ 31 മത്സരങ്ങളില്‍നിന്ന് 66 പോയിന്റുമായി ലീസെസ്റ്റര്‍ സിറ്റിയാണ് ഒന്നാം സ്ഥാനത്ത്. ടോട്ടനം (62), ആഴ്‌സണല്‍ (58), മാഞ്ചസ്റ്റര്‍ സിറ്റി (54) എന്നിവയാണ് യഥാക്രമം ആദ്യ നാലു സ്ഥാനങ്ങളില്‍.
