കുട്ടികള്‍ക്ക് എതിരെയുള്ള അതിക്രമങ്ങള്‍ രൂക്ഷമാകുന്ന പശ്ചാത്തലത്തില്‍ ബോധവത്കരണവുമായി ഒരു ചിത്രം എത്തുകയാണ്. ചിത്രത്തിന്റെ ടൈറ്റില്‍ ലോഞ്ച് മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. പോക്‌സോ- 99 എന്നാണ് ചിത്രത്തിന് നല്‍കിയിരിക്കുന്ന പേര്.
ഡോ. മനു സി കണ്ണൂര്‍ ആണ് ചിത്രം സംവിധാനം ചെയ്യുന്നത്. ബാലതാരം ശിവഗംഗ പ്രധാന കഥാപാത്രമായി എത്തുന്നു. ചിത്രത്തിന്റെ തിരക്കഥയും സംഭാഷണവും എഴുതിയിരിക്കുന്നത് അജിത് പൂജപ്പുരയാണ്. കെ സതീഷ് ആണ് പ്രൊജക്റ്റ് ഡിസൈനര്‍. അംബ മുത്തശ്ശി പ്രൊഡക്ഷന്‍സിന്റെ ബാനറില്‍ കണ്ണന്‍ പോറ്റിയാണ് ചിത്രം നിര്‍മ്മിക്കുന്നത്.
