സുകുമാരക്കുറുപ്പായി ദുല്‍ഖര്‍ സല്‍മാന്‍ എത്തുന്ന ‘കുറുപ്പി’ന്റെ ഫസ്റ്റ് ലുക്ക് പുറത്തുവിട്ടു. കോട്ടും കൂളിംഗ് ഗ്ലാസുമുള്‍പ്പെടെ വിന്റേജ് ലുക്കിലാണ് പോസ്റ്ററില്‍ ദുല്‍ഖര്‍ പ്രത്യക്ഷപ്പെടുന്നത്.
‘പല നാടുകള്‍ പല നാളുകള്‍ പല രൂപങ്ങള്‍ എല്ലാം ഇവിടെ തുടങ്ങുന്നു’ എന്ന് പറഞ്ഞുകൊണ്ട് ദുല്‍ഖര്‍ സല്‍മാല്‍ ആണ് പോസ്റ്റര്‍ പങ്കുവച്ചത്. നേരത്തെ കുറുപ്പിലെ ലൊക്കേഷന്‍ ചിത്രങ്ങളെല്ലാം സോഷ്യല്‍ മീഡിയയില്‍ തരംഗമായിരുന്നു.
ശ്രീനാഥ് രാജേന്ദ്രനാണ് ചിത്രത്തിന്റെ സംവിധാനം ചെയ്യുന്നത്. വേഫെയറര്‍ ഫിലിംസിന്റെ ബാനറില്‍ ദുല്‍ഖര്‍ തന്നെ നിര്‍മ്മിക്കുന്ന ചിത്രത്തിന്റെ കഥ ജിതിന്‍ കെ ജോസിന്റേതാണ്. ഡാനിയേല്‍ സായൂജ് നായര്‍, കെ എസ് അരവിന്ദ് എന്നിവര്‍ ചേര്‍ന്നാണ് തിരക്കഥയും സംഭാഷണവും എഴുതിയിരിക്കുന്നത്.
