ലണ്ടന്‍: യൂറോപ്പ ലീഗ് ഫുട്‌ബോള്‍ ടൂര്‍ണമെന്റില്‍ ഇംഗ്ലീഷ് പവര്‍ഹൗസുകളായ മാഞ്ചസ്റ്റര്‍ യുനൈറ്റഡും ഇറ്റലിയിലെ ഗ്ലാമര്‍ ടീമായ ഇന്റര്‍മിലാനും സെമി ഫൈനലില്‍. ഡാനിഷ് ക്ലബ്ബായ എഫ്സി കോപന്‍ഹേനെ അധിക സമയത്തേക്കു നീണ്ട പോരാട്ടത്തിനൊടുവില്‍ യുനൈറ്റഡ് കഷ്ടിച്ചു മറികടക്കുകയായിരുന്നു. ഏകപക്ഷീയമായ ഒരു ഗോളിനായിരുന്നു യുനൈറ്റഡിന്റെ വിജയം.
മറ്റൊരു ക്വാര്‍ട്ടര്‍ ഫൈനലില്‍ ജര്‍മന്‍ ടീമായ ബയേര്‍ ലെവര്‍ക്യൂസനെയാണ് ഇന്റര്‍ മറികടന്നത്. ഒന്നിനെതിരേ രണ്ടു ഗോളുകള്‍ക്കായിരുന്നു യുനൈറ്റഡ് വെന്നിക്കൊടി പാറിച്ചത്.
2009-10നു ശേഷം ഇന്റര്‍ ആദ്യമായാണ് ഒരു യൂറോപ്യന്‍ ചാമ്പ്യന്‍ഷിപ്പിന്റെ സെമി ഫൈനലിലെത്തിയത്. ഷക്തര്‍ ഡൊണെസ്‌കും എഫ്സി ബാസെലും തമ്മിലുള്ള വിജയികളാണ് സെമിയില്‍ ഇന്ററിനെ കാത്തിരിക്കുന്നത്.
