പാക്കിസ്ഥാന്‍: പാക്കിസ്ഥാനിലെ പെഷവാറില്‍ സ്‌കൂളിന് സമീപം സ്ഫോടനം. നാല്് കുട്ടികളടക്കം അഞ്ച് പേര്‍ക്ക് പരിക്കേറ്റു. രാവിലെ 9:10 ഓടെ പെഷവാര്‍ പബ്ലിക് സ്‌കൂളിന് സമീപമാണ് സംഭവം നടന്നതെന്ന് പാകിസ്ഥാന്‍ ഇംഗ്ലീഷ് ദിനപത്രമായ ഡോണ്‍ റിപ്പോര്‍ട്ട് ചെയ്യുന്നു. റോഡിന്റെ സൈഡിലുള്ള സിമന്റ് കട്ടയില്‍ സ്ഥാപിച്ച നാല് കിലോഗ്രാം സ്ഫോടക വസ്തുക്കളാണ് സ്ഫോടനത്തിന് ഉപയോഗിച്ചതെന്ന് പൊലീസ് പറയുന്നു. സംഭവവുമായി കൂടുതല്‍ അന്വേഷണം ഉണ്ടാകുമെന്ന് പൊലീസ് വ്യക്തമാക്കി.
പരിക്കേറ്റ കുട്ടികള്‍ക്ക് 7 വയസ് മുതല്‍ 10 വയസ്സ് വരെയാണ് പ്രായം. കുട്ടികളാരും സ്‌കൂള്‍ യൂണിഫോം ധരിച്ചിരുന്നില്ലെന്നും പൊലീസ് പറയുന്നു.
കുട്ടികളില്‍ രണ്ട് പേരുടെ നില ഗുരുതരമാണ്. നേരത്തെ 2014ല്‍ താലിബാന്‍ ഭീകരര്‍ പെഷവാര്‍ നഗരത്തിലെ സൈനിക സ്‌കൂളില്‍ ആക്രമണം നടത്തിയിരുന്നു. അന്ന് 132 കുട്ടികളടക്കം 140 പേരാണ് ആക്രമണത്തില്‍ കൊല്ലപ്പെട്ടത്.
