മലയാളികളുടെ പ്രിയ താരം ഫഹദ് ഫാസിലിന്റെ ആദ്യ തമിഴ് ചിത്രം വേലൈക്കാരന്റെ റിലീസ് നീട്ടി.
തനി ഒരുവന്‍ എന്ന സൂപ്പര്‍ഹിറ്റ് ചിത്രത്തിന് ശേഷം മോഹന്‍രാജ സംവിധാനം ചെയ്യുന്ന വേലൈക്കാരന്‍ സെപ്റ്റംബര്‍ 29ന് തിയേറ്ററുകളില്‍ എത്തുമെന്നായിരുന്നു റിപ്പോര്‍ട്ടുകള്‍. എന്നാല്‍ റിലീസ് തീയതി നീട്ടിയെന്നും പുതിയ തീയതി ഉടന്‍ പ്രഖ്യാപിക്കുമെന്നുമാണ് പുതിയ വിവരം.
24 സ്റ്റുഡിയോസിന്റെ ബാനറില്‍ ആര്‍.ഡി.രാജ നിര്‍മ്മിക്കുന്ന ചിത്രത്തില്‍ ശിവകാര്‍ത്തികേയനാണ് നായകനായി എത്തുന്നത്. നയന്‍താരയാണ് നായിക. ചിത്രത്തില്‍ വില്ലന്‍ വേഷത്തിലാണ് ഫഹദ് ഫാസില്‍ എത്തുന്നതെന്നാണ് ലഭിക്കുന്ന വിവരം.
