പ്രമുഖ ഛായാഗ്രാഹകൻ വേണു സംവിധാനം ചെയ്യുന്ന മൂന്നാമത്തെ ചിത്രമായ കാർബണിലെ കഥാപാത്രങ്ങളുടെ പോസ്റ്റർ പുറത്തെത്തി. ദയ, മുന്നറിയിപ്പ്, എന്നീ ചിത്രങ്ങള്‍ക്ക് ശേഷം വേണു രചനയും സംവിധാനവും നിര്‍വ്വഹിക്കുന്ന കാര്‍ബണില്‍ ഫഹദ് ഫാസിലാണ് നായകൻ.
മംമ്‌താ മോഹൻദാസാണ് ചിത്രത്തിലെ നായിക. സമീറ’ എന്ന കഥാപാത്രമായാണ് മംമ്‌താ കാർബണിൽ എത്തുന്നത്. വേണുവിന്റെ ഇതുവരെയുള്ള ചിത്രങ്ങളിൽ നിന്നും വ്യത്യസ്‌തമായി ഒരു കൊമേർഷ്യൽ എന്റർടെയ്‌നർ ആയിരിക്കും കാർബൺ. സിബി തോട്ടുപുറമാണ് ചിത്രത്തിന്റെ നിർമ്മാതാവ്.
സൗബിൻ ഷാഹിർ , ചേതൻ , കൊച്ചുപ്രേമൻ എന്നിവരുടെ കഥാപാത്രങ്ങളുടെ പോസ്റ്ററാണ് പുറത്തിറങ്ങിയത്. ഇവരെ കൂടാതെ ദിലീഷ് പോത്തൻ, നെടുമുടിവേണു, വിജയരാഘവൻ തുടങ്ങിയ താരങ്ങളും ചിത്രത്തിൽ അണിനിരക്കുന്നു.
