ഒ ടി ടി റിലീസായി പുറത്തിറങ്ങി ജനശ്രദ്ധയാകർഷിച്ച സീ യു സൂൺ എന്ന ചിത്രത്തിനു ശേഷം ഫഹദ് ഫാസിൽ പ്രധാന വേഷത്തിലെത്തുന്ന ചിത്രമാണ് ഇരുൾ. ഇക്കുറി ഫഹദിനൊപ്പം മലയാളികളുടെ പ്രിയതാരം സൗബിൻ ഷാഹിറുമുണ്ട്. കോവിഡ് മാനദണ്ഡങ്ങൾ പാലിച്ചുകൊണ്ട് കഴിഞ്ഞ ദിവസം കുട്ടിക്കാനത്ത് ചിത്രത്തിന്റെ ഷൂട്ടിംഗ് ആരംഭിച്ചു.
നവാഗതനായ നസീഫ് യൂസഫ് ഇസുദ്ധീനാണ് ചിത്രം സംവിധാനം ചെയ്യന്നത്. സീ യു സൂണിൽ മികച്ച പ്രകടനം കാഴ്ച്ചവച്ച ദർശന രാജേന്ദ്രൻ ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കും. ജോമോൻ ടി ജോൺ ആണ് ചിത്രത്തിന്റെ ക്യാമറ കൈകാര്യം ചെയുന്നത്.
ആന്റോ ജോസഫ് ഫിലിം കമ്പനിയുടെയും പ്ലാൻ ജെ സ്റ്റുഡിയോസിന്റെയും ബാനറിൽ ആൻഡ് ജോസഫ്- ജോമോൻ ടി ജോൺ- ഷമീർ മുഹമ്മദ് എന്നിവർ ചേർന്നാണ് ചിത്രം നിർമ്മിക്കുന്നത്. പ്രൊജക്ട് ഡിസൈനർ ബാദുഷ.
