കൊച്ചി:മാര്‍ച്ച് 23ന് കേരളത്തില്‍ നടന്ന ലോക്‌സഭാ തെരഞ്ഞെടുപ്പില്‍ കണ്ണൂര്‍ കാസര്‍കോഡ് മണ്ഡലങ്ങളില്‍ സിപിഎം വ്യപകമായി കള്ളവോട്ട് നടത്തി എന്ന ആരോപണത്തില്‍ തന്റെ പ്രതികരണം വ്യക്തമാക്കി നടന്‍ ജോയ് മാത്യു. ‘കള്ളന്മാരായ നമ്മള്‍ കള്ളവോട്ട് ചെയ്തതില്‍ എന്ത് അത്ഭ്തം’ എന്ന ഒറ്റ വാക്യത്തിലൂടെ തന്റെ പ്രതികരണം വ്യക്തമാക്കി കള്ളവോട്ട് ചെയ്തവരെ ട്രോളിയിരിക്കുകയാണ് അദ്ദേഹം. നിരവധിപേരാണ് ജോയ് മാത്യുവിന്റെ പോസ്റ്റിന് മറുപടിയുമായി രംഗത്ത് വന്നിരിക്കുന്നത്.
ജോയ് മാത്യുവിന് സിപിഎമ്മിനെതിരെ മാത്രമേ പ്രതികരിക്കാനും അഭിപ്രായം പറയുവാനും സാധിക്കൂ എന്നും സിനിമ മേഖലയില്‍ ഉണ്ടാകുന്ന അന്യായങ്ങള്‍ക്കെതിരെ പ്രതികരിക്കാനുള്ള ആര്‍ജ്ജവമുണ്ടോ എന്നും അദ്ദേഹത്തിന്റെ പോസ്റ്റിന് താഴെ നിരവധി പേര്‍ ചോദ്യം ഉന്നയിക്കുന്നുണ്ട്.
കഴിഞ്ഞ ദിവസമാണ് കണ്ണൂര്‍,കാസര്‍കോട് മണ്ഡലങ്ങളില്‍ സി.പി.എം കള്ളവോട്ട് നടത്തിയെന്ന് പ്രതിപക്ഷ പാര്‍ട്ടികള്‍ ഉന്നയിച്ചത്. ഈ മണ്ഡലങ്ങളിലെ ചില ബൂത്തുകളില്‍ സിപിഎമ്മിലെ നേതാക്കളും ജനപ്രതിനിധികളും കള്ളവോട്ട് ചെയ്യാന്‍ നേതൃത്വം നല്‍കുന്ന വീഡിയോകളും മാധ്യമങ്ങള്‍ പുറത്തുവിട്ടതോടെ പ്രതിരോധത്തിലായിരിക്കുകയാണ് സി.പി.എം. കള്ളവോട്ടിനെതിരെ സുപ്രീകോടതിയെ സമീപിക്കുമെന്ന്‌ പറഞ്ഞ പ്രതിപക്ഷം കള്ളവോട്ട് നടന്ന സ്ഥലങ്ങളില്‍ റീപോളും
ആവശ്യപ്പെട്ടിട്ടുണ്ട്‌.
