മമ്മൂട്ടി നായകനായെത്തുന്ന ഏറ്റവും പുതിയ ചിത്രമാണ് ‘മധുരരാജ’. ചിത്രം പരാജയമാകുമെന്ന് കമന്റിട്ട വിമര്‍ശകന് മാസ് മറുപടി നല്‍കിയിരിക്കുകയാണ് സംവിധായകന്‍ വിശാഖ്.
ചേട്ടന്‍ ഇവിടെയൊക്കെ തന്നെ കാണുമല്ലോ എന്നായിരുന്നു വിശാഖിന്റെ കൗണ്ടര്‍ പോസ്റ്റ്. മറുപടി കലക്കിയെന്നാണ് ആരാധകരുടെ ഒന്നടങ്കമുള്ള മറുപടി. മധുരരാജയുടെ സെറ്റില്‍ വെച്ച് പേരന്‍പിന്റെ വിജയം ആഘോഷിക്കുന്ന ചിത്രം വിശാഖ് ഫേസ്ബുക്കില്‍ പങ്കുവെച്ചിരുന്നു. അതിനു താഴെയാണ് ചിത്രം എട്ടു നിലയില്‍ പൊട്ടുമെന്ന വിമര്‍ശകന്റെ കമന്റ്.
പുലിമുരുകന്റെ വന്‍ വിജയത്തിനു ശേഷം വൈശാഖ് ഉദയ-കൃഷ്ണ, പീറ്റര്‍ ഹെയ്ന്‍ ടീം മധുരരാജയിലൂടെ വീണ്ടും ഒന്നിക്കുന്നു. ഈ ചിത്രത്തില്‍ മമ്മൂട്ടിയോടൊപ്പം തമിഴ് നടന്‍ ജയ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇതിനുപുറെ തമിഴ്, തെലുങ്ക്, മലയാളം ഭാഷയിലെ വന്‍ താരനിരയും ചിത്രത്തില്‍ അണിനിരക്കുന്നുണ്ട്.
