കൊച്ചി: ഫിഫ അണ്ടര്‍ 17 ലോകകപ്പില്‍ ക്വാര്‍ട്ടര്‍ ഫൈനലില്‍ പ്രവേശിച്ച് അമേരിക്ക.
പരാഗ്വയെ എതിരില്ലാത്ത അഞ്ച് ഗോളുകള്‍ക്ക് തോല്‍പ്പിച്ചാണ് അമേരിക്കയുടെ ക്വാര്‍ട്ടര്‍ പ്രവേശനം. അമേരിക്കയ്ക്ക് വേണ്ടി തിമോത്തി വിയ്യയ ഹാട്രിക്ക് നേടി.
ഒന്നാം പകുതിയില്‍ ഒരു ഗോളിന് മുന്നിട്ടു നിന്ന യു.എസ്.എ രണ്ടാം പകുതിയില്‍ പരാഗ്വയെ തകര്‍ക്കുകയായിരുന്നു. വിയ(19,53,77), കാള്‍ട്ടന്‍(63),ജോഷ് സര്‍ജന്റ് (74) എന്നിവരാണ് സ്‌കോറര്‍മാര്‍. കളിയിലുടനീളം ആധിപത്യം പുലര്‍ത്തിയ യു.എസ്.എ 19ആം മിനിട്ടില്‍ തന്നെ പാരാഗ്വയയുടെ വല ചലിപ്പിച്ചു തുടങ്ങി. പിന്നീട് കിട്ടിയ അവസരങ്ങളെല്ലാം മുതലാക്കിയ അമേരിക്ക വിജയത്തിലെത്തുകയായിരുന്നു.
