തിരുവനന്തപുരം: പൊലീസ് പോസ്റ്റല്‍ വോട്ട് ക്രമക്കേടില്‍ അന്തിമ റിപ്പോര്‍ട്ട് ഇനിയും വൈകിയേക്കും. അന്വേഷണത്തിന് കൂടുതല്‍ സമയം തേടി ക്രൈംബ്രാഞ്ചിന്റെ ഇടക്കാല റിപ്പോര്‍ട്ട് ഡിജിപിക്ക് സമര്‍പ്പിച്ചു. റിപ്പോര്‍ട്ട് ഇന്ന് ഡിജിപി മുഖ്യതിരഞ്ഞെടുപ്പ് ഓഫീസര്‍ക്ക് കൈമാറും.
എത്ര പോസ്റ്റല്‍ വോട്ടുകള്‍ രേഖപ്പെടുത്തിയെന്ന് മനസിലാക്കേണ്ടതുണ്ടെന്നും, വോട്ടെണ്ണല്‍ ദിവസമേ ഇത് കണ്ടെത്താനാകു എന്നും റിപ്പോര്‍ട്ടില്‍ പറയുന്നു. ഇതിനിടെ കേരളത്തിന് പുറത്ത് തിരഞ്ഞെടുപ്പ് ഡ്യൂട്ടിയിലുള്ള പോലീസുകാരുടെ മൊഴി രേഖപെടുത്താനുണ്ടെന്നും ഇത് സംബന്ധിച്ച അന്വേഷണം പൂര്‍ത്തിയാക്കാന്‍ കൂടുതല്‍ സമയം ആവശ്യപ്പെടുമെന്നും ക്രൈംബ്രാഞ്ച് അറിയിച്ചിരുന്നു.
