വിശാഖപട്ടണം: ആന്ധ്രാപ്രദേശിലെ വിശാഖപട്ടണത്ത് വന്‍ തീപിടുത്തം. സംഭവത്തില്‍ രണ്ടു സിനിമാ തീയറ്ററുകള്‍ പൂര്‍ണമായും കത്തിനശിച്ചു. ഗജുവാക്ക മേഖലയിലെ കന്യ, ശ്രീകന്യ എന്നീ തീയേറ്ററുകളാണ് കത്തി നശിച്ചത്. മൂന്നു കോടി രൂപയുടെ നഷ്ടമുണ്ടായെന്നാണ് റിപ്പോര്‍ട്ട്.
തിങ്കളാഴ്ച രാവിലെ തീയേറ്റര്‍ വൃത്തിയാക്കാനെത്തിയ ആളാണ് തീ കത്തിപടരുന്നത് കണ്ടത്. ഉടമകളെ ഉടന്‍ തന്നെ വിവരം അറിയിച്ചു. എന്നാല്‍ അഗ്‌നിശമന സേന സ്ഥലത്തെത്തിയപ്പോള്‍ തീയേറ്ററുകള്‍ പൂര്‍ണമായും കത്തിനശിച്ചിരുന്നു.
തീപിടുത്തത്തിന്റെ യഥാര്‍ഥ കാരണം വ്യക്തമായിട്ടില്ല. കൂടുതല്‍ പരിശോധന നടക്കുകയാണെന്ന് അഗ്‌നിശമനസേന ഉദ്യോഗസ്ഥര്‍ അറിയിച്ചു.
