കൊച്ചി : ബാങ്ക് ഓഫ് ബറോഡയുടെ എറണാകുളം ടിഡി റോഡിലെ കെട്ടിടത്തില്‍ തീപിടുത്തം.
വ്യാഴാഴ്‌ച രാവിലെ ആറരയോടെയാണ് തീ പിടിത്തമുണ്ടായത്.
അഗ്നി ശമനസേനയെത്തി തീ അണച്ചെങ്കിലും ബാങ്ക് ഓഫ് ബറോഡയുടെ എറണാകുളം റീജിയണൽ ഓഫീസിന്റെ ഒരു ഭാഗം പൂര്‍ണ്ണമായും കത്തിനശിച്ചു.
നിരവധി രേഖകൾ കത്തി നശിച്ചിട്ടുണ്ട്. വന്‍ നാശനഷ്ടങ്ങളാണ് കണക്കാക്കുന്നത്.
ഷോര്‍ട്ട് സര്‍ക്യൂട്ടാണ് തീപിടിത്തത്തിന്റെ കാരണമെന്നാണ് പ്രാഥമിക നിഗമനം.കെ.എസ്.ഇ.ബി. സംഘമടക്കമുള്ളവര്‍ സംഭവ സ്ഥലത്തെത്തി പരിശോധന നടത്തി.
ബാങ്ക് ഉദ്യോഗസ്ഥരെത്തി തീപിടിത്തത്തില്‍ അവശേഷിക്കുന്ന രേഖകള്‍ പരിശോധിച്ചുവരികയാണ്.
